Pietro (Piero) Bertolini
Pontremoli 10.08.1894, Massa 01.05.1942
Viva Puntrémal
Fat agnìr pür dala Fransa
al Burdò e la Sciampagna
e ampìstë ben la pansa
cun al vin ch'a ven d' an Spagna.
Bagnt al bèch cun al Madera
e afëga debti e guai
an t' la sc'iüma dal Barbera,
an t' al Chianti o an t'al Tucai;
ma vin bun cmè chëi d' Puntrémal
a t'al digh bèl cèr e tund
t'n'i metrè mai pü ansémal
gnanc se t' sir tüt quant al mund.
E 'l mangèr i n'è da men,
che turdèi e tëstarë,
coti al dënt e cundì ben,
i en davér roba da rë.
La barbòtla càuda e buna,
cun an mèš al furmài frësch,
la carsënta e la patùna
a n' i magn fòrsi anca 'l vesch?
E ch' a n' fa arturnèr a cà
par Nadal l' en propi al voi
d 'turta d' èrbi, du spungà
e d'un bun bücér dal soi.
Ma chi tüt è bun e bèl!
Basta sul che t' dagh 'nuciàda
al'Ursàr e al munt Bürèl,
dala Siša ala Nunsiàda.
Quand dal ciél la lüna cèra
l' ambiànch punti, teci, prà
e d'argënt a par la ièra
i è 'n paéš, chest, ancantà.
E tü t'sent tüt armüšnèr
s'a stramèš al Campanùn
ch'a t'par quasi d'arturnèr
un fiulët cuntent e bun.
Pontremoli 10.08.1894, Massa 01.05.1942
Viva Puntrémal
Fat agnìr pür dala Fransa
al Burdò e la Sciampagna
e ampìstë ben la pansa
cun al vin ch'a ven d' an Spagna.
Bagnt al bèch cun al Madera
e afëga debti e guai
an t' la sc'iüma dal Barbera,
an t' al Chianti o an t'al Tucai;
ma vin bun cmè chëi d' Puntrémal
a t'al digh bèl cèr e tund
t'n'i metrè mai pü ansémal
gnanc se t' sir tüt quant al mund.
E 'l mangèr i n'è da men,
che turdèi e tëstarë,
coti al dënt e cundì ben,
i en davér roba da rë.
La barbòtla càuda e buna,
cun an mèš al furmài frësch,
la carsënta e la patùna
a n' i magn fòrsi anca 'l vesch?
E ch' a n' fa arturnèr a cà
par Nadal l' en propi al voi
d 'turta d' èrbi, du spungà
e d'un bun bücér dal soi.
Ma chi tüt è bun e bèl!
Basta sul che t' dagh 'nuciàda
al'Ursàr e al munt Bürèl,
dala Siša ala Nunsiàda.
Quand dal ciél la lüna cèra
l' ambiànch punti, teci, prà
e d'argënt a par la ièra
i è 'n paéš, chest, ancantà.
E tü t'sent tüt armüšnèr
s'a stramèš al Campanùn
ch'a t'par quasi d'arturnèr
un fiulët cuntent e bun.
San Taransiàn
L'erun šà 'n para dü stman
che ' l Retùr i s' dev da fèr
e che vèrs mešdì 'l campàn
l'atachévun a stramšèr.
Al bèl dì tant aspetà
finalmëntë i è arivà.
Ieri al donn l'han fat la speša
al marcà e stamatina
l' erun prèsti tüt'an ceša
pr'èsar libar an ciüšina;
ché dup pià la pardunansa
bšugna pür ampìr la pansa.
Sübit d' fërà dal sagrà
tüt' i posti bun pr' i banchi,
fin da sabde a i avév pià
chëi ch'a vend par paghi franchi
spill, pistòl e sunaiël.
Ma an t'la piana, a v'al digh më,
asdà al fresch, a sü stev mèi,
ch'a gh'er prunta an t'al parë
l'acqua càuda pr' i turdèi
e par tèra e an t' i tavlìn
damigiàn e fiaschi d'vin.
E a bun' ura sut al piànt
è cmincià 'n gran via vai
d' šënta agnü a preghèr al Sant,
che, ala fë, më a n 'ho vist mai,
cumè 'nchë, tanti cristiàn
cun cavagni e fië pr' al man.
Pià la mësa e fat un šir
an t'la fèsta e sü 'n t' la piana,
fra 'n burdèl da fèr sturdìr,
e cumprà ai fië la culana,
via 'n sërca d' un bèl post
par vutèr cavagni e sport.
Che 'n campagna, ašdà ala buna,
a s'magn sëmpar pü vlantéra
sia pulàstar, sia patùna;
ch' a fa prù, l'è propi vera,
sensa tanti cumplimenti
chël ch'a capit sut ai dënti.
E i ragasi a pudér fèr
girotondo e capariòl,
sënsa përa d'armedièr
scupasùn e brüt paròl,
i en cuntënti cmè pogh vot
vün s'i vins un tèrn al Lott.
Cun düi Veschi dup mešdi
è pasà Sant Taransiàn
e dal' àut i ha benedì
tüti quanti cun la man,
ch'i en a sera artumà a cà
sudisfàti dIa giurnà.
Mignegno - S. Terenziano 1940
L'erun šà 'n para dü stman
che ' l Retùr i s' dev da fèr
e che vèrs mešdì 'l campàn
l'atachévun a stramšèr.
Al bèl dì tant aspetà
finalmëntë i è arivà.
Ieri al donn l'han fat la speša
al marcà e stamatina
l' erun prèsti tüt'an ceša
pr'èsar libar an ciüšina;
ché dup pià la pardunansa
bšugna pür ampìr la pansa.
Sübit d' fërà dal sagrà
tüt' i posti bun pr' i banchi,
fin da sabde a i avév pià
chëi ch'a vend par paghi franchi
spill, pistòl e sunaiël.
Ma an t'la piana, a v'al digh më,
asdà al fresch, a sü stev mèi,
ch'a gh'er prunta an t'al parë
l'acqua càuda pr' i turdèi
e par tèra e an t' i tavlìn
damigiàn e fiaschi d'vin.
E a bun' ura sut al piànt
è cmincià 'n gran via vai
d' šënta agnü a preghèr al Sant,
che, ala fë, më a n 'ho vist mai,
cumè 'nchë, tanti cristiàn
cun cavagni e fië pr' al man.
Pià la mësa e fat un šir
an t'la fèsta e sü 'n t' la piana,
fra 'n burdèl da fèr sturdìr,
e cumprà ai fië la culana,
via 'n sërca d' un bèl post
par vutèr cavagni e sport.
Che 'n campagna, ašdà ala buna,
a s'magn sëmpar pü vlantéra
sia pulàstar, sia patùna;
ch' a fa prù, l'è propi vera,
sensa tanti cumplimenti
chël ch'a capit sut ai dënti.
E i ragasi a pudér fèr
girotondo e capariòl,
sënsa përa d'armedièr
scupasùn e brüt paròl,
i en cuntënti cmè pogh vot
vün s'i vins un tèrn al Lott.
Cun düi Veschi dup mešdi
è pasà Sant Taransiàn
e dal' àut i ha benedì
tüti quanti cun la man,
ch'i en a sera artumà a cà
sudisfàti dIa giurnà.
Mignegno - S. Terenziano 1940